31 Oktyabr 2016 16:08
785
12 Punto 14 Punto 16 Punto 18 Punto

Teleqraf.com Sevinc Elsevərin yeni yazdığı “Qısqanclıq” şeirini təqdim edir:

Qadınını qısqanclıq zəminində

öldürən kişi

onu hər şeyə qısqanırdı:

əsən küləklərə də

yellənən pərdələrə də

deyinib-danışırdı

atdığı hər addıma görə

sonuncu dəfə

idman müəlliminə qısqanmışdı

amma indi

gecənin bir aləmində

beşinci mərtəbədəki mənzillərində

boğub öldürdüyü

qadının cəsədini daşıyarkən

kürəyində pillələrlə

“nə yaxşı idman zalına gedirmiş

arıqladırmış özünü” – düşünür

arvadı haqda

arabir kövrəlir hətta.


Müəllif: