22 İyul 2017 10:37
2 467

Teleqraf.com-un “Ölümqabağı” layihəsinin növbəti qonağı tanınmış aparıcı Zabir Əliyevdir.

Öləcəyinizi bilsəydiniz:

- …son dəfə kiminlə görüşmək istəyərdiniz?

- Görüşmək istədiklərim bu dünyada yoxdu!

- Bilsəydiz ki, sonunuz çatıb, nə düşünərdiniz?

- Heç də kefdən düşməzdim. Pessimist fikir kimi səslənməsin, amma dünyasını dəyişən doğmalarımla görüşə böyük məmnuniyyətlə hazırlaşardım.

- … son kəs hansı yeməyi yeyib, hansı içkini içərdiniz?

- Aş və adi su!

- …son dəfə hansı ölkəyə getmək istərdiniz?

- Ölümünü gözləyən insan gəzmək haqqında düşünməz, məncə!

- …son dəfə kimi öpərdiniz?

- İtim Kokonu.

-…son dəfə necə bir verilişə aparıcılıq edərdiniz?

- Poetik, düşündürən bir veriliş!

- …hansı musiqiyə qulaq asardınız?

- Akif İslamzadə: “Ötən günlərimi qaytaraydılar”

- …kimə və nə hədiyyə alardınız?

- Özümə saat alıb hədiyyə edərdim.

-… kimə nə deyərdiniz?

- Anama səslənərdim qəbri üstündə... Deyərdim ki, ana mən də gəlirəm…

- …son 3 kəlməniz nə olardı?

- Yaşamaq gözəl idi.


Müəllif: Könül Əlibəyli