Tanınmışlar “Vicdan haqqı”nı bəyəndimi? – SORĞU

ATV kanalında yayımlanan “Vicdan haqqı” serialı efirə verildiyi gündən tamaşaçılar tərəfindən maraqlı qarşılanıb və izlənmə sayına görə ön sıralara yüksəlib. Ailə-məişət mövzusunda olan serialın rejissoru Rövşən İsaxdır. Ekran əsərində obrazları Elxan Yunis, əməkdar artist Kəmalə Müzəffər, Çimnaz Sultanova və digər tanınmış simalar canlandırır.

Teleqraf.com tanınmış aktyorlara “Siz “Vicdan haqqı” serialını izləyirsinizmi?” sualı ilə müraciət edib.

Sorğunu təqdim edirik:

Rasim Balayev: “Yalnız “Vicdan haqqı” serialını yox, ümumiyyətlə, Azərbaycan telekanallarını izləmirəm. Düzdür, əvvəllər izləmişəm, sonra özümə yazığım gəldiyi üçün izləmədim”.

Firəngiz Mütəllimova: “Rövşən İsaxın işləri çox xoşuma gəlir, onun çəkdiyi bütün serialları bəyənirəm. Çünki Rövşəni dost və sənət adamı kimi tanıyıram. Onun istedadının gücünə bələdəm. Ona görə də seriallarını izləyirəm. Hər serialında yenilik etməyi bacarır”.

Mehriban Xanlarova: “ATV kanalını izləmirəm və ona görə də “Vicdan haqqı” serialına baxmamışam”.

Dilarə Əliyeva: “Vicdan haqqı” serialınının yalnız birinci seriyasını izləmişəm. Vaxtım olmadığına görə o biri seriyasını izləyə bilmədim. Mən hər zaman yeni çəkilən serial və filmlərin yaradıcı heyətinə dəstək oluram. Sevinirəm ki, serial çəkirlər. Ekran əsərlərinin çatan və çatışmayan tərəflərinə gəlincə işinin içində olan adam kimi deyirəm ki, yaxşı işlər var. Ümumilikdə, serialların çəkilməsini alqışlayıram. Nə qədər çox serial çəkilsə, bu sahə inkişaf edər, aktyorlarımız, ssenaristlərimiz işləyərlər”.

Tünzalə Əliyeva: “Birinci seriyasından müəyyən kadrlar izləmişəm. Eşitdiyimə görə yaxşı serialdır. Ümumiyyətlə, Rövşən İsaxın işləri mənim çox xoşuma gəlir. Seriallarında rejissor işi, aktyor və musiqi seçimi çox gözəldir. “Vicdan haqqı”nda hər bir aktyorun oyunu xoşuma gəlir, xüsusilə İlhamın obrazı. Ona görə yox ki, o mənim qrup yoldaşım olub. Sadəcə, onu aktyor kimi çox bəyənirəm”.

Hüsniyyə Mürvətova: “Serialı izləməmişəm. Çəkildiyim serialları belə izləməmişəm. Çünki serialı davamlı izləməlisən və mənim də ona vaxtım yoxdur. Filmlərə də az baxıram. Amma sevdiyim filmlərə bir-iki saat vaxtımı sərf edə bilirəm”.

Anar Heybətov: “Serialı izləyə bilməmişəm, amma haqqında məlumatım var. Anonsunu görmüşəm. Bilirəm ki, orada dostlarımız Elxan Abbasov, Kəmalə Müzəffər çəkiliblər”.

Rəqsanə