“Bakı-2015”də şose velosipedi yarışının qalibi İspaniya idmançısı olub

İyunun 21-də birinci Avropa Oyunlarının şose velosipedi yarışı keçirilib.

AZƏRTAC xəbər verir ki, Azadlıq meydanından start götürən yarışda 125 idmançı, o cümlədən Azərbaycanın iki nümayəndəsi – Elçin Əsədov və Samir Cəbrayılov iştirak ediblər.

Yaırşların qalibi ispaniyalı velosipedçi Luis Leon Sançes Gil olub. O, 214 kilometrlik məsafəni 5 saat 27 dəqiqə 25 saniyəyə qət edib. Ukrayna idmançısı Andrey Qrivko finişə ikinci çatıb. Çexiyalı Pyotr Vakoç isə üçüncü yeri tutub.

Elçin Əsədov finişə 55-ci çatıb. Samir Cəbrayılov isə yarışın yarısında şosedən çıxıb.