Bəşər Əsədin mesajı: “İdlibi əldə edəcəyik - Ya müharibə yolu ilə, ya da...”

İdlibi ya müharibə, ya da sülh yolu ilə əldə edəcəyik.

Teleqraf.com xəbər verir ki, bu sözləri Suriya Xarici İşlər nazirinin müavini Faysal Mikdad deyib.

Nazir müavini Türkiyə ilə Rusiya arasında əldə olunan İdlib anlaşmasını qiymətləndirərkən bildirib ki, Suriyanın müxtəlif ərazilərində yaradılmış “Təhlükəsizlik zonaları” sonradan Suriya hökumətinin nəzarətinə keçib: “Bu anlaşmanı da diplomatik yolun bir hissəsi kimi qiymətləndiririk.

“Suriyanın hər tərəfində qalib gəldiyimiz kimi İdlibdə də qələbə əldə edəcəyik. Bu məsələdə bizim qəti mesajımız var: İdlibə savaş və ya sülh yolu ilə gəlirik”.