“Yasir Ərəfatın qətlinə sifarişi Corc Buş verib” – Sensasion iddia

Fələstin Azadlıq Təşkilatının (FAT) lideri Yasir Ərəfatın müşaviri Besam əbu Şərif FAT başçısının Səudiyyə Ərəbistanı və ABŞ tərəfindən öldürüldüyünü iddia edib.

Teleqraf.com xarici KİV-ə istinadla xəbər verir ki, əbu Şərif ABŞ prezidenti Corc Buşun İsrail başçısı Ariel Şaronun Səudiyyə rəsmiləri ilə görüşündən sonra Ərəfatın öldürülməsi göstərişini verdiyini bildirib.

Qeyd edək ki, Yasir Ərəfat 1994-2004-cü illərdə Fələstin Azadlıq Təşkilatının lider olub. O, 2004-cü ildə Fransadakı (Paris) xəstəxanada vəfat edib.

Araşdırmadan sonra FAT liderinin polonium maddəsi ilə zəhərləndiyi bildirilib.