Kral əməliyyat olundu

Tailand kralı Pxumipxon Adulyadetu cərrah bıçağı altına düşüb.

Onun öd kisəsi çıxarılıb. Bu barədə Reuters məlumat yayıb.

Məlumatda qeyd olunur ki, əməliyyat uğurlu olub. Hazırda kralın vəziyyəti stabil qiymətləndirilir.

Oktyabrın 3-də monarx yüksək hərarət və qan təzyiqi ilə xəstəxanaya yerləşdirilmişdi. Qan analizi iltihab olduğunu göstərmişdi.

Qeyd edək ki, kral Pxumipxon Adulyadetu 1946-cı ildə taxta çıxıb. O dünyada olmuş bütün monarxlardan daha çox hakimiyyətdə qalıb./milli.az/