Uşaqları xilas edim, əvəzində məni əsir alın - Ukraynalı general

Mariupol uşaqlarını evakuasiya etmək üçün general ruslara onu əsir götürməyi təklif edib.

Teleqraf.com xəbər verir ki, polis generalı Vyaçeslav Abroskin Mariupoldan uşaqların təxliyəsi müqabilində özünü işğalçılara girov kimi təklif edib.

Bu barədə o, "Facebook" səhifəsində yazıb: “Bu gün tamamilə dağıdılmış şəhərdə çoxlu uşaq qalıb ki, onları indi xilas etməsələr, yaxın günlərdə həlak olacaqlar. Vaxt azdır. Sizdən xahiş edirəm ki, məni Mariupola buraxın, uşaqların çıxarılmasını təşkil edək. Mənə şəhərdə üç gün lazımdır. Sonuncu keçid məntəqəsində geri dönərkən özümü sizə əsir kimi təqdim edəcəyəm”.

Abroskin xatırladıb ki, o, polis generalı olub və 2014-2018-ci illərdə Donetsk vilayətində işğalçılara qarşı mübarizə təşkil edib.

“Mən sizin sanksiya siyahınızdayam, məni axtarışa vermisiniz. Mənə qarşı sui-qəsd təşkil etdiniz ki, məhv edəsiniz. Mənim hərbi hissəmdə onlarla insan öldürdünüz, minlərlə silahdaşınız saxlanıldı. Mən hamıya bəlkə də ən yaxın olan generalam. Məşhur Azov alayı. Bu mənim şəxsi təşəbbüsümdür. Mənim həyatım tək mənə məxsusdur və mən bunu hələ də Mariupolda qalan uşaqların həyatı müqabilində təklif edirəm”, - o əlavə edib.