Rusiyalı məşhur jurnalist: "Putinin ordusu Kiyevdən qaçır"

Rusiyalı müxalif jurnalist Aleksandr Nevzorov Rusiya və Ukrayna arasında baş verən son hadisələri şərh edib.

Teleqraf.com virtualaz.org-a istinadən xəbər verir ki, Nevzarov Kremlin Ukrayna ilə böyük müharibənin mənasız olduğunu anladığını deyib:

"Burada hər şey aydındır. Onlar boğulublar. İndi ya təşvişə düşərək qaçmaq lazımdır, ya da iddia etmək lazımdır ki, guya bu onlara heç lazım deyil. İstənilən rəsmi cəfəngiyyata, hətta açıq desək, gülünc bir şeyə inanan müharibəsevər “əksəriyyətin” müstəsna axmaqlığından istifadə etməyə cəhd edilir...

Hər şeyi öz adı ilə adlandırmalıyıq. Rusiya ordusu Kiyevdən qaçır...Onun üçün bir milyon yumşaldıcı epitet tapa bilərsiniz, amma hadisənin mahiyyəti bundan dəyişməyəcək. Bu, sonun başlanğıcıdır”, - rusiyalı müxalifətçi bildirib.