ABŞ və Türkiyənin nümayəndə heyətləri arasında F-16 məsələsi ilə bağlı üçüncü danışıqlar Vaşinqtonda keçiriləcək.
Teleqraf.com xəbər verir ki, bu barədə Türkiyə mətbuatı məlumat yayıb.
Türkiyə Rusiya-Ukrayna müharibəsində vasitəçi rolunu öz üzərinə götürməsi və bundan sonra taxıl dəhlizinin qurulmasına rəhbərlik etməsi səbəbindən Vaşinqtonun Ankaraya F-16 döyüş təyyarələrinin satışını asanlaşdıracağı gözlənilir.
Türkiyə Hərbi Hava Qüvvələrinin komandanlığı təcili ehtiyaclar çərçivəsində keçən il sözügedən hərbi təyyarələrlə bağlı ABŞ-a müraciət edib. Tələb 40 ədəd döyüş təyyarəsinin alınmasını və 79 ədəd F-16-nın modernləşdirilməsini əhatə edir.