Gizli bilgi sızdı: Putin müharibəni bitirir - “Kiyevlə danışıqlara hazırlaşır”

Donbasdakı separatçıların keçmiş liderlərindən İqor Girkin (Strelkov) Kremlin Kiyevlə sülh müqaviləsi bağlamağa hazırlaşdığını iddia edib.

Teleqraf.com xəbər verir ki, Strelkov Rusiya Prezidenti Vladimir Putinin “çəhrayı ponilər planeti”ndə yaşadığını deyib.

O qeyd edib ki, Rusiyanın hakimiyyət orqanları Ukrayna ilə danışıqlara hazırlığın ilkin mərhələsindədir.

“Çəhrayı ponilər planeti”ndə hökumət optimizminin növbəti “sərt hücum”u... Orada yenə qərara gəliblər ki, tezliklə “əziz ukraynalı tərəfdaşlar” diz üstə sürünərək “kompromis sülh” istəyəcəklər”, - Strelkov bildirib.

Onun sözlərinə görə, Kremlin gözləntisinin əksinə olaraq, Kiyev yalnız məğlubiyyət, Odessa və Dnepr kimi şəhərlərin ələ keçirilməsi durumunda “kompromis sülh”ə gedəcək.