Ukraynada iki istilik elektrik stansiyası zədələndi

Ukraynanın DTEK enerji holdinqinin iki istilik elektrik stansiyasına ciddi ziyan dəyib.

Teleqraf.com xəbər verir ki, bu barədə şirkət teleqram kanalında məlumat yayıb.

Aprelin 11-də səhər saatlarında bütün Ukrayna ərazisində hava hücumu xəbərdarlığı elan edilib.

Rusiya ordusu Ukrayna infrastrukturunu 2022-ci ilin oktyabrında, Krım körpüsünün partlamasından qısa müddət sonra hədəfə almağa başlayıb. O vaxtdan bəri Ukraynanın müxtəlif bölgələrində, tez-tez ölkə daxilində hava hücumu xəbərdarlığı müntəzəm olaraq elan edilir. Rusiya Müdafiə Nazirliyinin məlumatına görə, energetika sektoru, müdafiə sənayesi, hərbi komandanlıq və rabitə obyektlərinə hücumlar həyata keçirilir.