Gürcüstanda zəlzələ oldu

Gürcüstanın şimalındakı Oni şəhərinin yaxınlığında 4,4 maqnitudalı (ML) zəlzələ olub.

Teleqraf.com xəbər verir ki, bu barədə Gürcüstanın Milli Seysmik Monitorinq Mərkəzi bildirib.

Qeyd olunub ki, yeraltı təkanların ocağı 5 km dərinlikdə yerləşib. Saat 19:42-də qeydə alınmış zəlzələnin episentri ölkənin Oni şəhərindən 4 km cənubda olub. Cəmi yeddi dəqiqə sonra eyni bölgədə 4 maqnitudalı (ML) afterşok qeydə alınıb.

Tələfat və dağıntı barədə məlumat verilməyib.