SEPAH generalı bu şəhərdə dəfn olunacaq

İsrailin Beyruta endirdiyi zərbə nəticəsində öldürülən İran İslam İnqilabı Keşikçiləri Korpusunun (SEPAH) komandir müavini Abbas Nilfuruşanın sabah İraqın Nəcəf və Kərbəla, İranın Məşhəd şəhərində vida mərasimi keçiriləcək.

Teleqraf.com Axar.az-a istinadən xəbər verir ki, bu barədə “Tasnim” məlumat yayıb.

Məlumata görə, oktyabrın 15-də isə Tehranda da general üçün vida mərasimi təşkil ediləcək.

Oktyabrın 16-da isə Abbas Nilfuruşan İsfahanda dəfn olunacaq.

Qeyd edək ki, Abbas Nilfuruşan sentyabrın 27-də İsrailin Beyruta endirdiyi zərbə nəticəsində Hizbullah lideri Həsən Nəsrullahla birlikdə öldürülmüşdü. Nilfuruşanın meyiti uzun müddət idi ki, tapılmırdı.