Məşhur reper zorlamada ittiham edilir

Reper Kanye Uestin keçmiş köməkçisi Lauren Pisciotta sənətçini rep ifaçısı və prodüser P.Diddi ilə məclisdə ona narkotik maddə verməkdə və zorlamaqda ittiham edib.

Teleqraf.com xəbər verir ki, bu barədə "The New York Post" qəzeti Los Anceles Ali Məhkəməsində verilən şikayətə istinadən məlumat yayıb.

Məlumata görə, Lauren Pisciotta 2021-ci ildən 2022-ci ilə qədər Kanye Uestlə çalışıb və onlar 2020-ci ildə P.Diddinin gecəsində tanış olublar. Qızın dediyinə görə, tədbir zamanı Uest qonaqlara içki təklif edib və bir-iki qurtumdan sonra o, qəfildən özünü yönünü itirib və son dərəcə zəifləmiş vəziyyətə düşməyə başlayıb.