Bolqarıstanda yük qatarları toqquşdu - Yaralılar var

Bolqarıstanın paytaxtı Sofiyada Kremikovtsi dəmir yolu stansiyası yaxınlığında iki yük qatarı toqquşub.

Teleqraf.com xəbər verir ki, bu barədə BTV telekanalı məlumat yayıb.

Məlumata görə, hadisə Bakı vaxtı ilə saat 18:00 radələrində baş verib. Toqquşmadan sonra yanğın başlayıb, hadisə yerində tibb işçiləri, yanğınsöndürənlər və polis işləyir.

Hadisə nəticəsində beş nəfərin yaralandığı bildirilir.