Dağıstanda 5 ovçu öldürüldü

Rusiyanın Dağıstan Respublikasında meşəlik ərazidən 5 cəsəd aşkar edilib.

Teleqraf.com xarici mediaya istinadən xəbər verir ki, hadisə Suleyman-Stalski rayonunun ərazisində baş verib. Bununla bağlı Dağıstan hüquq-mühafizə orqanları məlumat yayıb.

Bildirilir ki, iki gün əvvəl ovçuluqla məşğul olan iki nəfər yoldaşlarının itkin düşməsi ilə bağlı polisə ərizə ilə müraciət edib. Axtarışlar zamanı meşədə 5 nəfərin cəsədi aşkar edilib. Onlar əlləri bağlı vəziyyətdə güllələnib.

Hadisə ilə bağlı araşdırmalar davam edir.

Samir