Qarabağdan Ermənistana silah daşınır – Bir gündə iki fakt

Ermənistan polisi İrəvanda Qarabağdan gətirilən yeni qaçaqmal silah partiyası aşkarlayıb.

Teleqraf.com xəbər verir ki, bu barədə Ermənistan polisinin mətbuat xidməti məlumat yayıb.

Növbəti hadisə Vardenis rayonunda üzə çıxarılıb. Belə ki, Qarabağdan qayıdan şəxslərin avtomobilində əl qumbaralarıı, avtomat patronları və seriya nömrəsi olan tüfəng aşkarlanıb. Aşkar edilmiş silah-sursatlar müsadirə olunub. Hazırda axtarış əməliyyatları davam etdirilir.

Qeyd edək ki, son bir neçə həftə ərzində polis daha bir neçə silah-sursat qaçaqmalçılığı faktını aşkar edib. Bu isə Qarabağdan – döyüş bölgəsindən Ermənistana silah qaçaqmalçılığının kütləvi xarakter daşıdığından xəbər verir.