Ermənistanda əsgər valideynləri mərkəzi prospekti bağladı

Qarabağ müharibəsində itkin düşmüş hərbçilərin yaxınları etiraz aksiyalarını davam etdirib.

Teleqraf.com erməni KİV-lərinə istinadən məlumatına görə, etirazçılar Yerevanda hökumət binasının yaxınlığında mərkəzi prospekti bağlayıb.

Onlar Ermənistan hökumətini itkin düşənlərin tapılması və qaytarılması üçün heç bir addım atmamaqda ittiham edib.

Hadisə yerinə polis əməkdaşları cəlb edilib.

Qeyd edək ki, ötən gün əsgər yaxınları Rusiya səfirliyi qarşısında aksiya keçirərək Rusiyadan kömək istəmişdi.