ABŞ hərbçiləri Ermənistanda – Birgə təlim keçirəcəklər
6 Sentyabr 2023 12:54
927
Beynəlxalq sülhməramlı missiyalarda iştiraka hazırlıq çərçivəsində sentyabrın 11-dən 20-dək Ermənistanda Müdafiə Nazirliyinin sülhməramlı briqadasının “Zar” təlim mərkəzində birgə Ermənistan-ABŞ təlimi keçiriləcək.
Teleqraf.com xəbər verir ki, bu barədə Ermənistan Müdafiə Nazirliyi məlumat yayıb.
Təlim sülhməramlı tapşırıqlar zamanı münaqişə tərəfləri arasında sabitləşdirmə əməliyyatlarını əhatə edir. Təlimin məqsədi sülhməramlı əməliyyatlar çərçivəsində beynəlxalq sülhməramlı missiyalarda iştirak edən bölmələrin qarşılıqlı fəaliyyət səviyyəsini yüksəltmək, idarəetmə və taktiki rabitə sahəsində qabaqcıl təcrübə mübadiləsi aparmaq, o cümlədən Ermənistan bölməsinin planlaşdırılmış əməliyyatlara hazırlığını artırmaqdır.
Müəllif:
Mənsur Rəğbətoğlu
.jpg)
.jpg)
