6 Fevral 2017 15:31
519

Qaradağın rayonu ərazisində vulkan püskürüb.

Bu barədə Teleqraf.com-a Fövqəladə Hallar Nazirliyinin mətbuat xidmətindən məlumat verilib.

Hadisə Qaradağın Səngəçal qəsəbəsində baş verib. Palçıq vulkanının püskürməsi barədə nazirliyə məlumat daxil olub. FHN əməkdaşları hadisə yerindədirlər.

AMEA-nın Geologiya və Geodeziya İnstitutunun palçıq vulkanizmi şöbəsinin müdiri Adil Əliyev Teleqraf.com-a bildirib ki, vulkan yaşayış yerlərindən kənarda püskürüb: “Vulkan püskürməsi dayanıb, alov var. Sabah institutun əməkdaşları əraziyə gedəcək və vulkan tədqiq ediləcək.

Hadisənin səbəbləri barədə daha ətraflı məlumat sabah veriləcək”.

İlhamə ƏBÜLFƏT


Müəllif: