13 Yanvar 17:23

Müdafiə naziri general-polkovnik Zakir Həsənovun təsdiq etdiyi döyüş hazırlığı planına əsasən birlik, birləşmə, hərbi hissə və xüsusi təyinatlı təhsil müəssisələrinin kadr işləri üzrə heyətinin təlim-metodiki toplantısı keçirilib.

Teleqraf.com Müdafiə Nazirliyinin saytına istinadla xəbər verir ki, tədbirdə müdafiə nazirinin şəxsi heyət üzrə müavini general-leytenant Kərim Vəliyev çıxış edib.

Orduda islahatların davam etdirildiyini qeyd edən nazir müavini kadr orqanlarının Müdafiə Nazirliyində mühüm xidmət sahələrindən biri olduğunu bildirərək ordu rəhbərliyi tərəfindən bu sahəyə ciddi diqqət yetirildiyini xüsusi vurğulayıb.

Müdafiə Nazirliyi Şəxsi Heyət Baş İdarəsinin Kadrlar İdarəsinin rəisi polkovnik Elçin Xəlilov isə ötən il ərzində kadr orqanı işçilərinin təkmilləşdirilməsi üzrə görülmüş işlər və 2018-ci ildə qarşıda duran vəzifələr, eləcə də peşəkar kadr heyətinin formalaşdırılması və inkişafı, işçilərin bacarıqlarının artırılması istiqamətində həyata keçirilən vacib tədbirlər barədə ətraflı məruzə ilə çıxış edib.

Toplantıda Müdafiə Nazirliyinin müxtəlif qurumlarının və hərbi hissələrin zabitləri də çıxış edərək ordumuzun döyüş qabiliyyətinin daim yüksək səviyyədə saxlanılması barədə fikirlərini bölüşüblər.


Müəllif: Teleqraf.com
Загрузка...