Türk ordusu Afrinin mərkəzinə çatdı - Döyüş gedir

12:05

Türkiyə Silahlı Qüvvələri Azad Suriya Ordusu ilə birlikdə Suriyanın Afrin rayonunda “Zeytun budağı” əməliyyatını davam etdirir.

Teleqraf.com xarici mediaya istinadla xəbər verir ki, əməliyyatların 48-ci günündə 94 terrorçu məhv edilib.

Bununla da əməliyyat başlayan gündən bu yana öldürülən terrorçuların sayı 3149-a çatıb.

Türk ordusu Afrində Bülbül, Raco, Şeyx Hadid, Şeran və Cinderes bölgələrini terrorçulardan təmizləyib. Afrinin mərkəzinə doğru təkcə Mabatlı bölgəsi qalıb.

Əməliyyat başlandığı gündən TSQ 160 məntəqəni azad edib.

***

Türkiyə Silahlı Qüvvələri Azad Suriya Ordusu ilə birlikdə “Zeytun budağı” hərəkatı çərçivəsində Afrində 3 kəndi azad edib.

Teleqraf.com xarici mediaya istinadla xəbər verir ki, türk ordusu Şavariqat Caviz, Böyük Habolu və Məlkiyə kəndlərinin terrorçulardan təmizlənməsi ilə Afrinin mərkəzi sərhədinə çatıb.

Bundan başqa, ASO Afrin ilə Azezi su ilə təmin edən anbarı ələ keçirib.