Komitə sədri KİV rəhbərləri ilə görüşdü - Foto

Diasporla iş üzrə Dövlət Komitəsinin sədri Fuad Muradov ölkənin aparıcı media qurumlarının rəhbərləri ilə bir araya gəlib.

Tanışlıq ziyafəti əsnasında komitə sədri rəhbərlik etdiyi strukturun fəaliyyətinin media ilə koordinasiyalı təşkil olunmasında maraqlı olduğunu bildirib.

Görüşdə iştirak edən media qurumlarının rəhbərləri dövlət strukturlarının mediaya açıq olmasının hər zaman ümumi işin xeyrinə olduğunu qeyd ediblər. Xüsusilə də diaspor təşkilatları ilə bağlı fəaliyyətdə bu cür əməkdaşlıqların faydalı olduğu qeyd olunub.