Rusiyadan demarş – ATƏT-in iclası boykot edildi

Rusiya nümayəndə heyəti ATƏT Parlament Assambleyasının Berlində keçirilən iclasını tərk edib.

Teleqraf.com xəbər verir ki, bu barədə nümayəndə heyətinin rəhbəri, Dövlət Dumasının vitse-spikeri Pyotr Tolstoy bildirib.

O qeyd edib ki, bu addımı atmalarına anti-Rusiya qətnaməsinin səsverməsi zamanı reqlamentin pozulması səbəb olub.

Onun sözlərinə görə? ATƏT-in iclasında deputatlar, qətnamənin müəllifləri və həmmüəllifləri iştirak etmirdilər, həmçinin Rusiya əleyhinə qətnamə reqlamentin tələb etdiyi şəkildə tərtib olunmayıb.

Nümayəndə heyətinin üzvü Leonid Slutski isə Rusiyanın demarşının qanunauyğun olduğunu bildirib. O qeyd edib ki, reqlamentin pozulması davam etdikcə, onların etirazı da davam edəcək.