Tramp yenə Ərdoğandan danışdı: "Dediyini edən adamdır..."

ABŞ Prezidenti Donald Tramp Türkiyə dövlət başçısı Rəcəb Tayyib Ərdoğanla bağlı daha bir tvit atıb.

Teleqraf.com xəbər verir ki, Donald Tramp Ərdoğanla telefon danışığının nəticələrini belə
ifadə edib:

"Türkiyə Prezidenti Ərdoğan Suriyada İŞİD-dən qalanların kökünü qazıyacağı ilə bağlı məni ətraflı şəkildə məlumatlandırdı. O, dediyini eləyə bilən adamdır. Türkiyə Suriyanın qapıbir qonşusudur. Əsgərlərimiz evə dönür".

Qeyd edək ki, ABŞ Prezidenti Donald Trampla Türkiyə dövlət başçısı Rəcəb Tayyib Ərdoğan arasında telefon danışığı olub.

Bu barədə Donald Tramp dünən özünün Tvitter səhifəsində məlumat verib.