Yoxa çıxan erməni millətçi-aktivistinin sədası Bakıdan gəlir! - Şok hadisə/Foto

Məlum olduğu kimi, 2020-ci il noyabr ayının əvvəli erməni bloger, Ermənistanda müxtəlif dövlətyönlü ictimai təşkilatların rəhbəri, müharibə vaxtı işğal altında olan yerlərdə poz verən Gevorq Sujyanın öz adamları ilə birgə Kəlbəcərdə, İstisuda çəkib öz Facebook səhifəsində paylaşdığı videonu həmin səhifədən 6000-dən çox adam paylaşıb, daha sonra bütün sosial şəbəkələrdə yayılmışdı.

Həmin videoda Gevorq Sujyan Kəlbəcərdə İstisuda üzərək kef çəkdiyini, tezliklə Bakıya çatıb Xəzərdə üzəcəyini bildirir, Azərbaycan tərəfinin ünvanına ağır formada təhqiredici ifadələr işlədir.

Müharibənin gərgin vaxtında, Ermənistanın ölən hərbçi əlindən tərpənə bilmədiyi bir vaxtda belə bir videonun hazırlanması, təbii ki, Ermənistan xüsusi dövlət strukturlarının Azərbaycana qarşı çirkin informasiya müharibəsi, erməni gənclərini psixoloji cəhətdən toparlamaq cəhdindən başqa bir şey deyildi.

Gəlin görək sonra nə oldu?

Bir neçə gün keçməmiş Gevorq Sujyanın yoxa çıxdığını müəyyən edən erməni ictimai təşkilatları həyəcan siqnalı verməyə başladılar. Daha sonra isə onun taleyi ilə bağlı əl-ayağa düşən Ermənistan Milli Təhlükəsizlik Xidmətinin hadisə ilə bilavasitə məşğul olduğu barədə məlumat yayıldı. Gevorqu tapa bilmədilər, teleqram kanallarında Azərbaycan tərəfinə əsir düşdüyü barədə narahatlıqlarını yaydılar.

Dünəndən etibarən isə Gevorq Sujyanın feysbuk səhifəsində məhz Azərbaycan tərəfinin təhqir edildiyi videonun yığışdırıldığını aşkar etdilər. Necədir?! Yəqin ki, Gevorq indi Bakıda araşdırmalarda İstisuda nə məqsədlə üzdüyü ilə yanaşı, nələri kimlərin sifarişi ilə elədiyinə dair çox şeylər danışır.

İndi özünün təsəvvür edin və qiymət verin!

Bu cür detallar Azərbaycanın müharibəyə necə hazırlaşdığını, Azərbaycanın xüsusi xidmət orqanlarının necə işlədiyini göstərir. Azərbaycanın bugünkü qüdrətini göstərir. Bu yaramazı vaxtında görüb Bakıya gətirən incə mərhələli yollar, düşmənə verilən mesaj, bu günlərdə baş vermiş hələ neçə belə incə məsələlər, yəqin ki, illər sonra aydınlanacaq.

Sülh istəyən hər zaman müharibəyə hazır olmalıdır.

Musavat.com