Aİ nümayəndəsindən Kəlbəcərdəki hadisəyə - Reaksiya

Minaların partlaması ilə əlaqədar dinc sakinlərin həlak olmasının qarşısını almaq lazımdır.

Teleqraf.com xəbər verir ki, bu barədə Avropa İttifaqının xarici əlaqələr üzrə rəsmi nümayəndəsi Piter Stano öz Tvitter səhifəsində yazıb.

Onun sözlərinə görə, Azərbaycanın azad edilmiş ərazilərinin minalardan təmizlənməsi üçün lazım olan məlumatların mübadiləsini keçirmək lazımdır.

Xatırladaq ki, iyunun 4-də Azərbaycan Televiziyasının operatoru 1989-cu il təvəllüdlü Sirac Abışov və 1982-ci il təvəllüdlü Azərtac İnformasiya Agentliyinin əməkdaşı Məhərrəm İbrahimov (Əlioğlu) Kəlbəcər rayonunda xidməti vəzifələrini yerinə yetirərkən minaya düşərək həlak olublar.

Həmin şəxslər işğaldan azad olunmuş ərazilərdə Ermənistan silahlı qüvvələri tərəfindən dağıdılmış yaşayış məntəqələrinin çəkilişini həyata keçirirdi.