Türk diplomatdan ermənilərə: “Bu səxavətinizi həmişə xatırlayacam”

Türkiyənin Ermənistanla danışıqlarda təmsilçisi Sərdar Kılıç humanitar yardıma görə bu ölkəyə təşəkkür edib.

Teleqraf.com xəbər verir ki, o, bu barədə Tvitter hesabında yazıb.

“Hörmətli Vahan Kostanyan və Ruben Rubinyan, bunu mümkün edən səylərinizə görə təşəkkür edirəm. Türkiyədə zəlzələ bölgəsində vətəndaşlarımızın əziyyətini yüngülləşdirmək üçün Ermənistan xalqının göndərdiyi səxavətli dəstəyi həmişə xatırlayacam”, - Kılıç qeyd edib.

Ermənistan hökuməti bu gün Türkiyəyə humanitar yardım göndərib.