SOCAR: “11 helikopter havadadır”

“Qəza baş verən özüldə 63 nəfər olub. Onlardan 33 nəfər xilas olub. Bir nəfərin cəsədi çıxarılıb. 29 nəfərin axtarışı davam edir".

Teleqraf.com Report-a istinadən xəbər verir ki, bu barədə Azərbaycan Dövlət Neft Şirkətinin (SOCAR) Kadr Rejim və İnformasiya Texnologiyaları üzrə vitse-prezidenti Xaliq Məmmədov bildirib.

O, qeyd edib ki, Qazaxıstan, İran və Rusiya sərhəd qoşunlarından xahiş olunub ki, cəsədlər o ölkələrin sahilində tapılarsa xəbər versinlər.

Onun sözlərinə görə, hazırda Xəzər Dəniz donanmasının, Sərhəd qoşunlarının gəmiləri, Sərhəd qoşunlarının 7 helikopteri və 4 FHN helikopteri havadadır.