Nazarbayevin xəstələnməsi ilə bağlı niyə rəsmi məlumat yayıldı? - YENİLƏNDİ

Qazaxıstan prezidenti Nursultan Nazarbayevin səhhəti ilə bağlı məlumat yayılıb.

Teleqraf.com-un Qazaxıstan prezdenitinin rəsmi saytı olan "Akorda"ya istinadla verdiyi xəbərə görə, məlumatda deyilir: "Qazaxıstan prezidenti Nursultan Nazarbayev soyuqdəymədən müalicə alır".

***

Nursultan Nazarbayevin soyuqlaması xəbərini yayan "Ferqana" informasiya agentliyi əlavə edib ki, Qazaxıstan prezidentinin sağlıq durumu ilə bağlı ilk dəfə rəsmi məlumat verilir.

Qazaxıstan qanunvericiliyində ölkə prezidenti və onun ailə üzvlərinin səhhəti, eləcə də onların şəxsi həyatı barədə məlumatlar dövlət sirri hesab olunur.

Cinayət Məcəlləsinin müvafiq maddəsinə görə, dövlət sirrini yayan şəxsi 8 ilə qədər azadlıqdan məhrumetmə cəzası gözləyir.

MAHİR