Tovuzda dəhşətli hadisə: bir polis öldü, ikisi isə... – Video

Dünən gecə saat 23:30 radələrində Tovuz şəhərində dəhşətli yol qəzası baş verib.

Teleqraf.com-un əldə etdiyi xəbərə görə, Heydər Əliyev prospekti ilə hərəkət edən “Porşe” markalı avtomobil yoldan çıxaraq Qəhrəmanlar Parkının divarına çırpılıb.

Qəza nəticəsində sürücü, polis əməkdaşı Zakir Qəhrəmanov ölüb. Hadisə zamanı avtomobildə olan Tovuz Polis Şöbəsinin əməkdaşı Nurxan Əmirxan oğlu Hüseynov və Fətullayev Azad Ramiz oğlu ağır dərəcəli xəsarət alıblar.

Hadisə ilə bağlı Tovuz Polis İdarəsinin növbətçi hissəsindən faktı təsdiq ediblər. Lakin əlavə məlumat verilməyib. Bildirilib ki, hadisə haqqında ətraflı məlumat almaq üçün Daxili İşlər Nazirliyinin mətbuat xidməti ilə əlaqə saxlayın.

Cavad