İrəvanda yanğın: qurbanların olması istisna deyil – Video

14:34

İrəvanda "Nairit" zavodunda yanğın baş verib.

Bu barədə "Report" Ermənistan KİV-lərinə istinadən xəbər verir.

Ermənistan Fövqəladə Hallar Nazirliyinin mətbuat xidmətinin məlumatına görə, yanğın zavod ərazisində başlayıb. Hadisə yerində 6 yanğınsöndürmə briqadası işləyir.

***

15:02

Ermənistan Energetika Nazirliyinə məxsus “Nairit” zavodunda baş verən yanğın lokallaşdırılıb.

Teleqraf.com xəbər verir ki, zavodda yanğnın başlaması barədə ilk siqnal saat 13:10-da daxil olub. Ermənistan Fövqəladə Hallar Nazirliyi yanğının saaat 14:00-da lokallaşdırıldığını açıqlayıb. Hələlik ətraflı məlumat və yanğının səbəbləri açıqlanmır. Olay yerinə 6 yanğınsöndürən maşın cəlb olunub. Tüstü və yanğın bir neçə kilometr uzaqlıqdan müşahidə olunub.

Polis qurbanların və zərərçəkənlərin olub-olmadığını dəqiqləşdirir.

***

Teleqraf.com-un “erqir.am”a istinadən verdiyi məlumata görə, Fövqəladə Hallar Nazirliyinin xilasetmə xidmətinin direktor müavini Muşeq Kazaryan bildirib ki, yanğın zavodda etinol boyasının alışması nəticəsində baş verib.

M.Kazaryan bildirib ki, yanğın zamanı bir nəfərin tüstüdən zəhərlənib, ona ilkin tibbi yardım göstərilib.