Bakı metrosunda ölüm hadisəsi - Açıqlama

Bu gün səhər saatlarında Bakı metrosunda ölüm hadisəsi baş verib.

Bakı Metropoliteni QSC-nin mətbuat xidməti və ictimaiyyətlə əlaqələr şöbəsinin rəisi Bəxtiyar Məmmədov Teleqraf.com-a bildirib ki, bu gün 06.30-da metronun "20 Yanvar" stansiyasının II vestibülündə 1968-ci il təvəllüdlü, Ağsu rayon sakini Qasımov Nazim Bulud oğlunun halı qəfildən pisləşib:

"Metropolitenin əməkdaşları tərəfindən xəstəyə ilkin yardım göstərilib. Hadisə yerinə təcili tibbi yardım çağırılıb. Nazim Qasımovun ürək-damar sistemində problemləri olub. Hadisə yerinə təcili tibbi yardım maşını çatana qədər sərnişin keçinib".

Bəxtiyar Məmmədov qeyd edib ki, hadisə yerinə hüquq-mühafizə orqanlarının əməkdaşları gəlib.