“Nazmehr”də ölən və zəhərlənənlərin adları məlum oldu - Siyahı

Xəzər dənizinin mərkəzi hissəsində, Pirallahı adasından 21 mil məsafədə Aktau-Bakı marşrutu üzrə hərəkət edən İran İslam Respublikasına məxsus “Nazmehr” quru yük gəmisində zəhərlənən heyət üzvlərinin kimlikləri bəlli olub.

Bu barədə Teleqraf.com-a İran İslam Respublikasının səfirliyindən məlumat verilib.

Bildirilib ki, gəmi kapitanı Ukrayna vətəndaşı olub vəziyyəti yaxşıdır. Ümumilikdə zəhərlənən 12 heyət üzvündən 8-nin adları belədir:

1989-cu il təvəllüdlü Hameddin Qulipur Heybəti

1991-ci il təvəllüdlü Əhməd Məsud Məhəmmədrza

1985-ci il təvəllüdlü İbrahim Zabil İxtiyar

1987-ci il təvəllüdlü Məhəmməd Kərəçisar Səfərli

1991-ci il təvəllüdlü Təvəkkülü Purya Qulamirza

1982-ci il təvəllüdlü Məhəmmədzaman Salmanxaleqi

1985-ci il təvəllüdlü Vahid Mirzayi

1985-ci il təvəllüdlü Seyid Məhəmmədi Məhəmməd

Ölən 3 nəfərin adı isə belədir:

Əkbəri Məhsumi Kərimoğlu

Seyidmurtuza Nozən Mirhüseyn oğlu

Səccad Səyyad Müslim Fəridun oğlu.

Səfirlikdən bildirilib ki, zəhərlənməyə gəmidə gətirilən taxıla vurulan kimyəvi maddə səbəb olub.

***

09:20

Xəzər dənizinin mərkəzi hissəsində, Pirallahı adasından 21 mil məsafədə Aktau-Bakı marşrutu üzrə hərəkət edən İran İslam Respublikasına məxsus “Nazmehr” quru yük gəmisinin zəhərlənən heyət üzvlərindən 3-ü dünyasını dəyişib.

Bu barədə Teleqraf.com-a Səhiyyə Nazirliyinin mətbuat katibi Pərviz Abubəkirov məlumat verib.

Onun sözlərinə görə, həmin şəxsləri xəstəxanaya çatdırmaq mümkün olmayıb və yolda vəfat ediblər: “Ölənlərin üçü də İran vətəndaşlarıdır. Onlardan biri 28, digəri 29, o biri isə 32 yaşında olan kişilərdir.

Zəhərlənən 10 nəfərdən 7-si hospitalizasiya olunub. Onlar 1 saylı Kliniki Tibbi Mərkəzin Toksikologiya şöbəsinə yerləşdirilib. Kapitanı isə hazırda təcili tibbi yardım gözləyir. Çünki o, sonuncu çıxmalıdır. İlkin ehtimala görə zəhərlənməyə səbəb gəmidə gətirilən taxıla vurulan kimyəvi maddədir”.

Xatırladaq ki, Xəzər dənizində Aktaudan Bakıya gələn gəminin heyət üzvləri arasında kütləvi zəhərlənmə olub.

Sərhəd gözətçi gəmisi 00:30 radələrində “Nazmehr” yük gəmisinə yan alaraq 7 nəfər ağır vəziyyətdə olan heyət üzvünü qəbul edib ilkin tibbi yardım göstərməklə sahilə Abşeron limanı istiqamətində hərəkət edib. Xəstələrə təcili tibbi yardımın göstərilməsi üçün limana həkim briqadaları cəlb olunub.