Bakıda yeniyetmə qız küçədə döyüldü

Bakının Xətai rayonunda xuliqanlıq və soyğunçuluq cinayəti baş verib.

Teleqraf.com xəbər verir ki, Bakı şəhər sakini olan bir yeniyetmə qızın küçədə döyülməsi barədə 36-cı polis bölməsinə məlumat daxil olub.

Polis əməkdaşlarının keçirdikləri əməliyyat-axtarış tədbirləri nəticəsində cinayəti törətməkdə şübhəli bilinən Ağstafa rayon sakini R.Xaşalov saxlanılıb.

Onun yanvarın 21-də daha bir qadının mobil telefonunu soyğunçuluq yolu ilə alması da müəyyən edilib.

Faktla bağlı cinayət işi başlanıb.