Bakıda ofisdən külli miqdarda pul və qızıl oğurlandı

Bakının Nərimanov rayonunda oğurluq hadisəsi baş verib.

Teleqraf.com xəbər verir ki, rayon ərazisindəki ofislərin birindəki seyfdən 5900 manat, 2450 ABŞ dolları və 200 avro, habelə qızıl-zinət əşyaları oğurlanıb.

Baş verən oğurluq hadisəsi ilə bağlı Nərimanov rayon Polis İdarəsinin 17-ci polis şöbəsinə məlumat verilib.

Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini Ə.Ağayev saxlanılıb.

Faktla bağlı cinayət işi başlanıb.