Parkda 23 yaşlı oğlana qarşı dəhşətli əməl - Cinayət

Bakının Səbail rayonunda bıçaqlanma hadisəsi baş verib.

Teleqraf.com-un xəbərinə görə, rayon ərazisində olan Sabir parkında Bakı şəhər sakini, 1996-cı il təvəllüdlü Kamran Talıbov tanımadığı şəxslə mübahisə edib.

Mübahisə zamanı həmin şəxs Kamran Talıbovu bıçaqlayıb və hadisə yerindən qaçıb.

Yaralı ağır vəziyyətdə xəstəxanaya yerləşdirilib. Vaxtında ona tibbi yardım göstərildiyi üçün həyatını xilas etmək mümkün olub.

Onun vəziyyətinin ağır olduğu deyilir.

Faktla bağlı cinayət işi başlanıb.