Sumqayıt sakini dəm qazından boğuldu

Sumqayıtda ölümlə nəticələnən bədbəxt hadisə baş verib. Şəhərin səkkizinci mikrorayon ərazisində yaşayan sakin yaşadığı evdə dəm qazından boğularaq ölüb.

Teleqraf.com xəbər verir ki, Fövqəladə Hallar Nazirliyi (FHN) Sumqayıtda baş vermiş ölüm hadisəsi ilə bağlı məlumat yayıb. Məlumatda deyilir ki, nazirliyin “112” qaynar telefon xəttinə daxil olan məlumata əsasən, Sumqayıt şəhərində 1 nəfər bağlı qapı arxasında köməksiz vəziyyətdə qalıb.

Hadisə yerinə cəlb olunan Sumqayıt Regional Mərkəzinin xilasetmə qüvvələri mənzilin giriş qapısını açıb və orada aşkarlanan 1984-cü il təvəllüdlü Babayev Adışirin Nadir oğlunun meyitini aidiyyəti üzrə təhvil veriblər.

Faktla bağlı araşdırma aparılır.