Bərdədə dəhşətli qəza: 1 ölü, 2 yaralı

Bərdə rayonunda yol-nəqliyyat hadisəsi baş verib.

Teleqraf.com xəbər verir ki, rayonun Lənbəran kəndi ərazisində Gəncə şəhər sakini C.Xıdırzadə idarə etdiyi “Hyundai” markalı avtomobili yolun kənarındakı su kanalına aşırıb.

Nəticədə avtomobildəki 3 sərnişin xəstəxanaya yerləşdirilib, onlardan Sadəgül Həsənova orada ölüb.

Faktla bağlı Bərdə rayon polis şöbəsində araşdırma aparılır.