Son günlər evlərdən oğurluqlar - Velosiped, televizor, pal-paltar...

Bakının Sabunçu rayonunda oğurluq hadisəsi olub.

Teleqraf.com xəbər verir ki, Sabunçu rayon Polis İdarəsinin əməliyyat-axtarış tədbirləri nəticəsində şəhər sakini L.Tağıyevin evindən min manat dəyərində televizor, 600 manat dəyərindən iki velosiped, geyim və məişət əşyaları oğurlanıb.

Sabunçu rayon Polis İdarəsi əməkdaşlarının keçirdiyi əməliyyat-axtarış tədbirləri nəticəsində hadisəni törətməkdə şübhəli bilinən əvvəllər məhkum olunan 1992-ci il təvəllüdlü A.Əliyev saxlanılıb.

Bundan başqa, Binəqədi rayonu ərazisində yerləşən evlərdən birindən 1 600 manat dəyərində kombi aparatı oğurlanıb.

Binəqədi rayon Polis İdarəsinin 43-cü polis bölməsinin əməkdaşlarının keçirdiyi əməliyyat-axtarış tədbirləri nəticəsində hadisəni törətməkdə şübhəli bilinən, əvvəllər məhkum olunmuş 1985-ci il təvəllüdlü R.Abdullayev saxlanılıb. Ondan axtarış zamanı 0,229 qram heroin aşkarlanıb.