"Səbət Bazarı"ndakı yanğın söndürüldü

Şəmkir rayonunda bazarda baş vermiş yanğının qarşısı alınıb.

Teleqraf.com xəbər verir ki, Bakı-Qazax avtomobil yolunun rayon ərazisindən keçən hissəsində yerləşən "Səbət Bazarı"nda baş vermiş yanğın söndürülüb.

Hadisə nəticəsində ümumi ərazisi 5 hektar olan bazarın 400 kvadrat metr sahədə olan dönərxana, geyim mağazası və taxta konstruksiyadan ibarət olan ümumi 6 mağaza və köşk yanıb. Xoşbəxtlikdən hadisə iş vaxtı baş verməyib və insanlar az olub.

Yanğının başvermə səbəbləri araşdırılır.

21:20

Şəmkir rayonunda yanğın baş verib

Teleqraf.com xəbər verir ki, hadisə Muxtariyə kəndi yağınlığındakı "Səbət bazarı"nda qeydə alınıb.

Yanğın zamanı bazarda 10-dək köşk yanıb. Dərhal hadisə yerinə Fövqəladə Hallar Nazirliyinin canlı qüvvəsi və yanğınsöndürən briqadası cəlb olunub. Yanğının söndürülməsi istiqamətində işlər görülür.

Yanğının baş vermə səbəbləri araşdırılır.