Paytaxtda qəza: avtobuslar gecikir - Foto

Bakıda yol-nəqliyyat hadisəsi baş verib.

Teleqraf.com xəbər verir ki, hadisə Qara Qarayev prospekti ilə Özbəkistan küçəsinin kəsişməsində, Koroğlu metrosu istiqamətində qeydə alınıb. Qəza səbəbindən yolun hər iki tərəfində sıxlıq müşahidə olunur.

Bakı Nəqliyyat Agentliyindən bildirilir ki, tıxac səbəbindən Q.Qarayev prospektindən keçən müntəzəm və ekspres xətlər üzrə avtobusların hərəkət intervalında gecikmələr yaranır.

BNA mətbuat katibi Mais Ağayev qeyd edib ki, eyni zamanda hazırda Moskva prospekti 20 Yanvar dairəsi istiqamətində və M.Əliyev küçəsindəki dairədə nəqliyyat vasitələrinin çoxluğundan sıxlıq müşahidə olunur: "Burda da xeyli sayda sərnişin avtobusunun intervalında gecikmələr yaranır.

Xatırladım ki, sərnişindaşımalarının yalnız avtobuslara həyata keçirildiyi indiki vaxtda bu kimi hallar ciddi çətinliklər yaradır. Bir marşrut xətti üzrə bir və ya bir neçə avtobusun intervalında yaranan gecikmə həm dayanacaqlarda, həm də digər xətlər üzrə avtobuslarda sıxlıqlara səbəb olur. Qeyd olunanları nəzərə alaraq bir daha fərdi minik avtomobili sürücülərini hərəkətdə olan zaman sərnişin avtobuslarına qarşı son dərəcə anlayışlı olmağa çağırırıq. Unutmayaq ki, sərnişin avtobusunun əhəmiyyəti onun içindəki dəyərli vətəndaşlarımız və sərnişinlərimizdir".