Polis 3 rayonda əməliyyat keçirdi – Həbs olunanlar var

Biləsuvar rayonunda narkotiklərlə bağlı əməliyyat keçirilib.

Teleqraf.com xəbər verir ki, Biləsuvar rayon polis şöbəsi əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Şəkərli kənd sakini F.Tağıyevin idarə etdiyi “Hyundai” markalı avtomobilə baxış zamanı sərnişini, Masallı rayon sakini V.Salmanovdan 348 qramdan artıq heroin və 100 qrama yaxın metamfetamin aşkar edilib.

Bundan başqa, Tovuz rayon polis şöbəsi əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində R.Qələndərovun şəhər ərazisindəki yaşadığı evə baxış zamanı oradan 1 kiloqram 545 qram marixuana aşkar edilərək götürülüb.

Tovuz rayon polis şöbəsi əməkdaşlarının keçirdikləri "Xaşxaş-2021" şərti adlı kompleks əməliyyat-axtarış və profilaktik tədbirlər nəticəsində Hunanlar kənd sakini, əvvəllər məhkum olunmuş C.Əliyevə məxsus həyətyanı sahədən kultivasiya yolu ilə yetişdirilmiş 41 ədəd çətənə kolu, yaşadığı evə baxış zamanı isə 155 qram marixuana aşkar edilib.

Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Hindarx qəsəbə sakini R.Mirzəyev Ağcabədi rayonu ərazisində saxlanılıb.

Şəxsi axtarış zamanı ondan 1 kiloqramdan artıq marixuana aşkar edilib.