Goranboyda avtomobil aşdı - 1 ölü

Goranboyda sürücünün ölümü ilə nəticələnən yol-nəqliyyat hadisəsi olub.

Teleqraf.com xəbər verir ki, hadisə rayonun Nizami kəndində qeydə alınıb. Hərəkətdə olan "Mercedes" markalı avtomobilin idarəetmədən çıxaraq aşması nəticəsində, sürücü - 1994-cü il təvəllüdlü İ.Abbasov ağır xəsarətlər alıb.

O, Gəncə şəhərində yerləşən xəstəxanaların birinə aparılsa da artıq dünyasını dəyişdiyi məlum olub.

Faktla bağlı araşdırmalara başlanılıb.