Bakıda qəzaya düşən sürücü öldü

Bakının Nərimanov rayonunda yol qəzası olub.

Teleqraf.com xəbər verir ki, 1995-ci il təvəllüdlü Rzazadə Qasım Əlimusa oğlu idarə etdiyi "Mercedes" markalı avtomobili ilə 1999-cu il təvəllüdlü Qasımov Nuhid İltifas oğlunun idarə etdiyi "Toyota” markalı avtomobil ilə toqquşub.

Nəticədə "Mercedes" markalı avtomobilin sürücüsü Q.Rzazadə aldığı xəsarətlərlə xəstəxanaya yerləşdirilib.

Lakin o, mayın 1-də həmin xəstəxanada ölüb.

Faktla bağlı Nərimanov rayon Polis İdarəsində Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma) maddəsi ilə cinayət işi başlanıb.