Xızıda ikimərtəbəli ev yandı

Xızı rayonunda ikimərtəbəli 11 otaqlı ev yanıb.

Teleqraf.com xəbər verir ki, bu barədə Fövqəladə Hallar Nazirliyinin (FHN) Mətbuat Xidməti məlumat yayıb.

Bildirilib ki, Xızı rayonunun Yarımca kəndində ümumi sahəsi 216 m² olan ikimərtəbəli 11 otaqlı evin yanar konstruksiyaları, birinci və ikinci mərtəbələrdə otaqlara yığılan 6 ton ot bağlamasının 5,5 tonu və kisələrə yığılan 1 ton arpa yanıb.

Ot bağlamalarının qalan hissəsi və yaxınlıqdakı tikililər yanğından mühafizə olunub. Yanğın yanğından mühafizə bölmələri tərəfindən söndürülüb.