Mingəçevirdə stomatoloji klinikada oğurluq - Anbaan görüntülər

Mingəçevirdə diş poliklinikasından oğurluq edən şəxs kameraya düşüb.

Teleqraf.com xəbər verir ki, hadisə şəhərin 20 Yanvar küçəsində fəaliyyət göstərən stomatoloji klinikada baş verib.

Oğurluq edən şəxs həkim-stomatoloqun otağına girir, ona məxsus pul qabını götürür və mərkəzi tərk edir.

Şəxsin törətdiyi əməl otaqda quraşdırılmış təhlükəsizlik kamerasi ilə anbaan qeydə alınıb.

DİN-in Mətbuat Xidmətinin Şəki regional qrupundan bildirilib ki, əməli törədən şəxsin kimliyi müəyyən olunub, onun saxlanılması istiqamətində tədbirlər görülür.