"Barselona" açıqladı – Ardanı satmırıq!

"Barselona" Arda Turanı satacaqları iddialarına münasibət bildirib.

Qol.az-ın İspaniya mətbuatına istinadən yaydığı xəbərə görə, klubun nümayəndəsi Roberto Fernandes türk yarımmüdafiəçini satmağı düşünmədiklərini deyib:

"Arda çətin mövsümü geridə qoydu. Hamımız bilirik ki, o, əvvəlki illərdə daha yaxşı oynayırdı. Ardanın "Atletiko"dakı kimi oynamağını gözləyirik. Onu satmağı heç vaxt düşünməmişik. Çünki komandanın önəmli futbolçularından biridir".