Katalonlar bu futbolçuyla anlaşdı

İspaniyanın "Barselona" klubu yeni transferini rəsmən açıqlayıb.

Teleqraf.com xəbər verir ki, klub "Valensiya"da çıxış edən Pako Alkaseri heyətinə qatıb.

İspaniyalı hücumçunun transferi üçün 30 milyon avro ödənilib. Bununla yanaşı, 20 yaşlı futbolçu Munir əl Hadda "Valensiya"ya icarəyə verilib.

Futbolçu ilə imzalanan 5 illik müqaviləyə əsasən P.Alkaseri heyətinə cəlb etmək istəyən klub "Barselona"ya 100 milyon avro ödəməlidir.

P.Alkaser indiyədək "Valensiya" və "Xetafe"də çıxış edib.